Хабарингиз бор бугун "Сўғдиёна" Ўзбекистон кубоги доирасида "Андижон"га қарши майдонга тушади. Эътиборингизга иккала жамоанинг хозирга қадар ўйинлар тарихидан маълумот берамиз.
"Андижон" - "Сўғдиёна" жамоалари шу бугунгача 44 маротаба майдонга тушишган. Шундан 17 учрашувда жиззахликлар устун келган бўлса, 16 учрашувда андижонликлар ғалаба қозонган. Қолган 11 учрашувда кучлар тенг келган. "Сўғдиёна" "Андижон" дарвозасига 63 марта гол уриб, 62 та ўтказиб юборган.
Жиззах клубининг энг йирик ғалабаси 1999 йили 6 ноябрда 5-0 хисобда қайд этилган. "Андижон"нинг энг йирик ғалабаси 3-0 кўринишда бўлган. 2000 йилнинг 6-августида Жиззахда бўлган учрашув энг сермаҳсул учрашув бўлган. Ушбу учрашувда дарвозаларга 8 тўп киритилган, учрашув 4-4 хисобда якунланган.
"Андижон" - "Сўғдиёна" жамоаларининг шу бугунгача бўлган 6 учрашувларидан маълумот тақдим этамиз.
"Андижон" - "Сўғдиёна" 0-0 02.10.2021
"Сўғдиёна" - "Андижон" 4-1 05.11.2021
"Андижон" - "Сўғдиёна" 1-1 18.10.2020
"Сўғдиёна" - "Андижон" 1-1 26.06.2020
"Андижон" - "Сўғдиёна" 0-0 13.09.2019
"Сўғдиёна" - "Андижон" 2-1 10.05.2019
