Испания чемпионатида қолдирилган 20-тур ўйинлари давом этмоқда. “Камп Ноу”да “Малага”ни қабул қилган Гвардиола шогирдлари йирик ҳисобда ғалаба қозондилар. Аммо ушбу ғалабали оқшм “Барса”га кор қилмаслиги мумкин, сабаби, Бильбаода меҳмон бўлаётган “Реал” агар ғалаба қозонгудек бўлса, чемпионликни расман ўзиники қилиб олади.
Месси эса рекорд қўйишда давом этмоқда, у Ла Лигадаги голлари сонини 46 тага етказиб олди. Қизиғи, ушбу жамоаларнинг биринчи даврадаги ўйинида ҳам “Барселона” ҳудди шу ҳисобда ғалаба қозонган ва ўшанда ҳам Месси хет-трикка эришганди.
Юқори ўринлар учун курашаётган “Атлетико”нинг сўнгги дақиқаларда ғалабани қўлдан чиқарганига ҳам эътибор беринг. Худди шундай аламли ҳолат “Севилья” майдонида, Андалусия дербисида кузатилди. Ҳисобни бешинчи дақиқадаёқ очган мезбонлар Беньятнинг икки голидан сўнг мағлубиятга учрашди. Меҳмонларнинг икинчи голи ҳакам томонидан қўшиб берилганини ҳам таъкидлаш жоиз.
БАРСЕЛОНА – МАЛАГА 4:1
Голлар: Пуйол (14), Месси (35, пенальтидан, 59, пенальтидан, 64) - Рондон (27)
Барселона: Хосе Пинто, Дани Алвес, Маскерано, Пуйоль (Бартра, 68), Адриано, Фабрегас, С. Кейта, Иньеста (Афеллай, 76), Куэнка, Месси, Педро (Тельо, 84).
Малага: Камени, Хесус Гамес, С. Санчес, Демичелис, Элизеу, И. Камачо, Дуда, Буонанотте (Себа, 61), Портильо, Касорла (Ресио, 69), Рондон (ван Нистелрой, 61).
Огоҳлантиришлар: И. Камачо (57), Дуда (58), Педро (68), Фабрегас (83)
АТЛЕТИКО – РЕАЛ СОСЬЕДАД 1:1
Голлар: Габи (54) – Вела (90)
СЕВИЛЬЯ – БЕТИС 1:1
Голлар: Негредо (5) – Беньят (44)
МАЛЬОРКА – РАЙО ВАЛЬЕКАНО 1:0
Гол: Кастро (62)
САРАГОСА – ЛЕВАНТЕ 1:0
Гол: Ориол (11)
