Португалиялик ҳужумчи Криштиану Роналдунинг ўғли «Манчестер Юнайтед» ёшлар жамоаси сафида гол урди.

Кичик Криштиану U-12 терма жамоаси билан биргаликда дунёнинг энг яхши футбол академиялари иштирок этган йирик халқаро турнирда иштирок этди. Учрашувларнинг бирида ёш «қизил иблислар» рақибларини 5:0 ҳисобида мағлубиятга учратишди ва голлардан бирини кичик Роналду киритди ва у голини худди отаси каби нишонлади.

Эслатиб ўтамиз, Криштиану Роналду жорий мавсумда АПЛда 25 та ўйин ўтказиб, 12 та гол урган.