Лука Модрич ҳалигача "Реал" билан янги шартнома борасида келишиб олгани йўқ.
Журналист Серхио Сантоснинг хабар беришича, хорватиялик футболчига иккита таклиф бор - "Ювентус" ва Қатар жамоаси. Қолаверса, иккала клуб ҳам унга икки йиллик шартнома таклиф қилмоқда.
36 ёшли ярим ҳимоячининг мадридликлар билан шартномаси шу ёзда якунига этади, томонлар ҳамкорликни давом эттириш учун тез орада музокараларни бошлайди.
Модрич "Реал Мадрид"нинг шартномани бир йилга узайтириш таклифига рози бўлмоқчи.
"Қироллик клуби"да қолиш ярим ҳимоячи учун устувор вазифа. У 2012 йилдан буён ўйнаб келаётган Мадрид жамоасида фаолиятини якунламоқчи.
