"Ювентус" мавсум охирида бош мураббий Массимилиано Аллегрини истеъфога чиқармайди, деб хабар беради Tuttosport.
Манбага кўра, Турин клуби раҳбарияти "Ювентус"нинг натижалари Андреа Пирло бошчилик қилган 2020/21 йилги мавсумдаги натижаларга ўхшаш бўлишига қарамай, жорий мавсумда кўрсатилаётган ўйинда ижобий ўзгаришларни сезган.
Қайд этилишича, туринликлар жамоада интизом яхшиланганини ҳам қайд этган.
Шу билан бирга, Аллегрининг четлатилиши клуб учун молиявий жиҳатдан ноқулай бўлади, чунки ўтган ёзда мураббий 7 миллион евро маош билан 4 йиллик шартнома имзолаган эди.
