"Ливерпуль" ярим ҳимоячиси Фабиньо Англия кубоги ярим финалида "Манчестер Сити"га қарши бўлиб ўтадиган ўйиндан олдинги фикрлари билан ўртоқлашди.
"Ливерпуль" футболчиси сифатида сиз ҳар бир мусобақада ғалаба қозонишни хоҳлайсиз. Англия кубоги - бу бизнинг гуруҳ ўйинчилари ҳали қўлга киритмаган соврин. Биз ғалаба қозонишни истаймиз, чунки биз амбицияли жамоамиз ва ғалаба қозониш менталитетига эгамиз», - деди Фабиньо «Ливерпуль» расмий сайтига.
Эслатиб ўтамиз, “Ливерпуль” февраль ойи охирида Лондоннинг “Челси” жамоасини пенальтилар сериясида мағлуб этиб, Лига кубогини қўлга киритган эди. Ҳозир “қизиллар” яна учта турнирда ғалаба қозониш имкониятига эга.
