Муҳаммад Салоҳ мавсум охирида қиладиган маросими ҳақида фикр билдирди.
“Мен ўзимга нисбатан жуда самимийман. Ҳар бир мавсумдан сўнг мен ўтириб, нимани ривожлантиришим кераклиги ҳақида ўйлайман. Мен бу мақсад сари интиляпман. Мен ўзимга нисбатан жуда ҳалолман.
Таътилда мен ёлғиз бўламан. Мен денгиз бўйида ўтираман ва нимага интилмоқчи эканлигим ҳақида ёзаман. Мен ўзим билан қанчалик очиқ ва ҳалол бўлсам, шунча яхши. Мен жуда кўп ёзаман.
Мен Чемпионлар лигасида, Премьер-лигада ғалаба қозониш ҳақида ёзяпман. Бу мени мавсум давомида рағбатлантиради.
Мавсумни яхши ўтказганимни тушунаман, лекин индивидуал совринларни қўлга киритишни истасангиз, жамоа билан совринларни қўлга киритишингиз керак”, — деди “Ливерпуль” ҳужумчиси.
