“Астон Вилла” бош мураббийи ва “Ливерпуль”нинг собиқ футболчиси Стивен Жеррард ҳужумчилар Луис Суарес ва Фернандо Торресни солиштирди.
“Иккаласи ҳам феноменал эди, лекин мен Суаресни алоҳида таъкидлаган бўлардим. Сиз ким билан ўйнашингиздан қатъий назар, у ҳар бир ўйинда ғалаба қозонишни истайди. Кимга қарши ўйнашингнинг аҳамияти йўқ", - деди Жеррард.
Шунингдек, у бир пайтлар Жейми Каррагер Суарес ҳақида гапирган гапларини эслади.
"Эсимда, Карра менга: “Мен унга қарши ҳар куни машғулотларда ўйнашни хоҳламайман” деганди. У машғулотларда жуда зўр эди ва у ажойиб ҳаракатлари билан сизни шарманда қилиши мумкин эди”, - дея қўшимча қилди Жеррард.
