"Челси" бош мураббийи Томас Тухель Англия кубоги ярим финалида "Кристал Пэлас"га қарши ўйиндан аввал ўз фикрлари билан ўртоқлашди.
"Кристал Пэлас" билан Премьер-лигада ўйнаш жуда қийин эди. Бу ўйин биз учун осон бўлмаслиги аниқ ва улар учун "Уэмбли"даги ўйин катта имкониятдир. Рақибга қарши жуда яхши тайёргарлик кўришимиз керак. Улар, худди ўз майдонида ("Селхерст Парк") маълум бир атмосферани яратишга қодир бўлганидек, "Уэмбли"да ҳам буни такрорлашлари мумкин", - деди Тухель.
Эслатиб ўтамиз, 17 апрель якшанба куни Англия кубоги ярим финали доирасидаги "Челси" ва "Кристал Пэлас" ўйини бўлиб ўтади. Ўйин Тошкент вақти билан 20:30да бошланади.
