Бугун Душан Влаховичнинг "Ювентус"нинг муҳим голини киритиб, "Болонья"га қарши ўйинда жамоасини мағлубиятдан қутқариб қолди. Бу гол сербиялик футболчининг Италия А Сериясидаги 50-голи бўлди.
Душан ушбу натижани 22 ёш-у 78 кунлигида қайд этди. “Милан”нинг собиқ бразилиялик футболчиси Александр Пато 21 ёш-у 220 кунлик пайтида Италия чемпионатида 50 марта рақиблар дарвозасини ишғол қилишга муваффақ бўлган, деб хабар беради Opta.
Влаховичга 50 марта рақиб дарвозасини ишғол қилиш учун бор-йўғи 108 учрашув етарли бўлди. Сербиялик ҳужумчи жорий йилнинг январ ойида "Фиорентина"дан "Ювентус"га ўтди.
Эслатиб ўтамиз, бу трансфер туринликлар учун 81,6 миллион еврога тушган.
