«Барселона» раҳбарияти марказий ҳужумчи излашда давом этмоқда. Хави бу позициядаги камчиликни тўлдиришни ёзги трансфер ойнаси вақтидаги устувор вазифа сифатида белгилаб олган.
Маrcа нашрининг хабар беришича, «кўк-анорранглилар» «Ман Сити» ҳужумчиси Габриэль Жезуснинг сотиб олмоқчи.
«Барселона» бразилиялик футболчи учун 30 миллион евро ажратишга тайёр.
Хави Роберт Левандовскини жамоада кўришни истарди, аммо Жоан Лапорта польшалик футболчи ва «Бавария»нинг талабини жуда юқори деб ҳисоблайди. Олдинроқ Левандовскининг трансфери 60-65 миллион еврога тушиши мумкинлиги ҳақида хабар берилганди.
Жезуснинг «Ман Сити» билан шартномаси 2023 йилнинг ёзида якунига етади. Томонлар янги шартнома имзолаши ҳақида хабарлар йўқ.
Жорий мавсум бразилиялик футболчи Премьер-лигадаги 22 учрашувда атиги 3 та гол ва 7 та голли узатмани амалга оширди.
