«Интер» ярим ҳимоячиси Стефано Сенси ёзда бошқа клубга ўтиши мумкин.
Айни дамда «Сампдория»да ижара остида тўп тепадиган 26 ёшли футболчи «нерадзуррилар»нинг кейинги мавсум режаларига кирмайди. Журналист Николо Скиранинг фикрича, «Интер» трансфер ойнаси очилгандан кейин Сенсини сотишга тайёр.
«Монца» ярим ҳимоячининг хизматларига қизиқиш билдирмоқда. Манбага кўра, агар ушбу клуб жорий мавсум якунида Италия А серияга чиқишни уддаласа, Сенси билан шартнома имзолашга ҳаракат қилади.
Стефано Сенси жорий мавсумдаги барча турнирларда 21та ўйин ўтказиб, икки бор рақиб дарвозасига гол урган.
