«Лацио» марказий ҳимоячиси Франческо Ачерби фаолиятини «Милан»да давом эттириши мумкин.
34 ёшли футболчи ёзда Рим клубини тарк этишни режалаштирган. Олдинроқ унга Миланнинг «Интер» ва Туриннинг «Ювентус» клублари қизиқиш билдираётгани ҳақида хабарлар тарқалган эди. Calciomercato нашри хабарига кўра, Ачерби 2012 йилдан 2013 йилгача ўйнаган «Милан»га қайтиши мумкин. Миш-мишларга кўра, футболчига «Фиорентина» ва «Торино» клублари қизиқиш билдирмоқда.
Франческо Ачербининг «Лацио» билан шартномаси 2025 йилгача мўлжалланган. Жорий мавсумда у клуб мухлислари билан можарога дуч келди ва бу дарҳол ҳимоячининг кетиши ҳақида кўплаб миш-мишларга сабаб бўлди.
