Келгуси мавсумда «Манчестер Юнайтед» бош мураббийи лавозимига асосий давогар бўлиб турган «Аякс» бош мураббийи Эрик тен Хаг Амстердам клубининг икки нафар футболчисини ўзи билан Англияга олиб кетишни режалаштирмоқда, дея хабар бермоқда журналист Экрем Қўнур.
Манбага кўра, ҳужумчи Антони ва ярим ҳимоячи Райан Гравенберх мавсум охирида «Олд Траффорд»га кўчиб ўтиши мумкин
19 ёшли Гравенберх жорий мавсумда «Аякс» сафида барча турнирларда 40 та ўйинда майдонга тушиб, 3 та гол ва 6 та голли узатмани амалга оширди. Ярим ҳимоячининг Голландия клуби билан шартномаси 2023 йилнинг ёзига қадар мўлжалланган. Трансфермаркт портали футболчини 35 миллион еврога баҳоламоқда.
22 ёшли Антони клуб сафидаги 33 ўйинда 12 та гол ва 10 та голли узатмани амалга оширди. Бразилиялик футболчининг «Аякс» билан шартномаси 2025 йилнинг ёзида якунига этади. Трансфермаркт футболчини 35 миллион еврога баҳоламоқда.
