«Бавария» ҳужумчиси ва сардори Роберт Левандовскининг келажаги ҳали ҳам ноаниқ. Футболчининг шартномаси 2023 йилнинг ёзида тугайди ва янги шартнома ҳали имзоланмаган.

Kicker нашри хабарига кўра, раҳбарият футболчи билан янги шартнома имзолаш борасида умидини узган ва мавсум охирида Робертни сотишга тайёр. Манбага кўра, «Бавария» польшалик футболчининг нархини 40 миллион еврога баҳоламоқда. 

33 ёшли футболчи учун асосий даъвогар Каталониянинг «Барселона» клуби ҳисобланади.

Маълумот ўрнида, Роберт Левандовски жорий мавсумда 42 та ўйинда майдонга тушиб, 47 та гол ва 6 та голли узатмани амалга оширди.