«Bavariya» hujumchisi va sardori Robert Levandovskining kelajagi hali ham noaniq. Futbolchining shartnomasi 2023 yilning yozida tugaydi va yangi shartnoma hali imzolanmagan.
Kicker nashri xabariga ko‘ra, rahbariyat futbolchi bilan yangi shartnoma imzolash borasida umidini uzgan va mavsum oxirida Robertni sotishga tayyor. Manbaga ko‘ra, «Bavariya» polshalik futbolchining narxini 40 million yevroga baholamoqda.
33 yoshli futbolchi uchun asosiy da’vogar Kataloniyaning «Barselona» klubi hisoblanadi.
Ma’lumot o‘rnida, Robert Levandovski joriy mavsumda 42 ta o‘yinda maydonga tushib, 47 ta gol va 6 ta golli uzatmani amalga oshirdi.
