Россиянинг "Спартак" клубининг Twitter'даги инглиз тилида юритиладиган аккаунтида Дортмунднинг "Боруссия" клуби ҳужумчиси Эрлинг Холанднинг "қизил-оқлар" лагерига ўтиши мумкинлиги ҳақида ҳазил пост эълон қилинди.
"Охирги миш-мишлар фонида биз Эрлинг Холанд кутилмаганда ёзда "Спартак"га ўтмасликка қарор қилганини тасдиқлашимиз мумкин", - деб ёзди москваликлар расмий саҳифаси.
Яқинда хорижий ОАВда Холанднинг келажаги ҳақида қарама-қарши маълумотлар пайдо бўлди. Баъзи маълумотларга кўра, у "Манчестер Сити" билан келишиб олгани, бошқа маълумотларда эса, норвегиялик ҳужумчи фаолиятини қаерда давом эттиришини ҳали ҳал қилмагани ҳақида хабарлар чиққанди.
