Манбага кўра, «Челси» марказий ҳимоячиси Антонио Рюдигер «Реал» ёки «Ювентус»да ўйнаши мумкин.
Агар 29 ёшли германиялик футболчи Лондон клуби билан янги шартнома имзоламаса, яқин ойларда «Челси»ни тарк этади. Sun нашри хабарига кўра, Рюдигернинг эркин агент сифатида қўлга киритишда асосий даъвогарлар «Реал Мадрид» ва Туриннинг «Ювентус» клублари ҳисобланади.
Шунингдек, Германия терма жамоаси ҳимоячисига «Манчестер Юнайтед», Франциянинг «Пари Сен-Жермен» ва «Барселона» клублари ҳам қизиқиш билдирмоқда.
Маълумот ўрнида, Антонио Рюдигер жорий мавсумда «Челси» сафида 47 та ўйинда майдонга тушиб, 5 та гол ва 4 та голли узатмани амалга оширди.
