2022 йилги УЕФА Чемпионлар лигаси финали учун чипталар сотуви бошланди. Савдо фақат УЕФА расмий сайти орқали амалга оширилади. Бу ҳақда ташкилот матбуот хизмати хабар бермоқда. Аризаларни қабул қилиш 28 апрель куни маҳаллий вақт билан соат 14:00 да тугайди.

Одатдагидек, икки финалчи мухлислари ва кенг жамоатчилик 28 май куни «Стад де Франс» стадионида бўлиб ўтадиган финал чипталарининг аксарият қисмини олади. Мавжуд 75 000 чиптадан (финал учун стадион сиғими) 52 000 таси икки финалчи мухлислари ва кенг жамоатчилик учун. Финалга чиққан икки клубнинг ҳар бири 20 000 тадан чипта олади. Яна 12 000 таси УЕФА веб-сайтида кенг жамоатчиликка сотувга чиқарилади.

Чипталар жонли навбатда сотилмайди. Ўз вақтида топширилган барча тўғри аризалар тенг шартларда ўйинда иштирок этади. Кенг аҳоли учун чипталар қуйидаги нарх тоифаларида мавжуд: 4-тоифа - 70 евро; 3-тоифа - 180 евро; 2-тоифа - 490 евро; 1-тоифа - 690 евро; ногиронлар учун чипталар - 70 евро (4-тоифадаги чипта ва ҳамроҳлик қилувчи шахс учун бепул чипта).

2022 йилги УЕФА Европа лигаси финали учун ҳам чипталар сотуви бошланди. Аризаларни қабул қилиш 28 апрель куни маҳаллий соат билан 14:00 да тугайди. Чипталар фақат УЕФА расмий сайтида сотилади.

Одатдагидек, икки финалчи мухлислари ва кенг жамоатчилик 18 май чоршанба куни маҳаллий соат билан 21:00 да бошланадиган Севилядаги "Рамон Санчес Пизхуан" стадионида бўлиб ўтадиган финал чипталарининг кўп қисмини олади. Мавжуд 40 000 чиптадан (финал учун стадион сиғими) 30 000 таси икки финалчи мухлислари ва кенг жамоатчилик учун. Финалга чиққан икки клубнинг ҳар бири 10 000 тадан чипта олади. Яна 13 мингтаси кенг оммага сотувга чиқарилади.

Кенг аҳоли учун чипталар қуйидаги нарх тоифаларида мавжуд: 4-тоифа - 40 евро; 3-тоифа - 65 евро; 2-тоифа - 100 евро; 1-тоифа - 150 евро; ногиронлар учун чипталар - 40 евро (4-тоифадаги чипта ва ҳамроҳлик қилувчи шахс учун бепул чипта).