Италиянинг "Рома" клуби сардори Франческо Тотти Италия чемпионатининг 37- турида "Катания" билан ўтган ўйиндан кейин, "Рома" бош мураббийи Луис Энрикега мағлубиятда далда бўлди ва  барча жавобгарликни ўз бўйнига олди. 

"Умид қиламанки, Луис Энрике жамоада қолади. Ўйлашимча, у яхши мураббий ва унга вақт беришимиз керак.  Дастлабки йил "Рома"да барчамиз хато қилганмиз. Жамоа мураббийни қўллаб-қувватлайди. Луиснинг жамоада қолишини барчамиз истаймиз. 

"Бу натижа – менинг айбим. Пенальтини амалга оширишим керак эди. Бу оско биз учун фойдасиз бўлди. Ахир, биз ғалаба қозонишимиз мумкин эди. Ўйлашимча, мен ура олмаган пенальти ўйин тақдирини ҳал қилди. Мен сардор сифатида натижа учун жавобгарликни ўз зиммамга оламан", –дея Тоттининг сўзларидан иқтибос келтирмоқда, Football Italia нашри.

Айтиш керакки, Франческо Тотти кеча Италия чемпионатида ўзининг 500-ўйинини ўтказиб, 215-голини нишонлади.