«Челси»нинг собиқ ҳужумчиси Жимми Флойд Хассельбайнк нима учун «кўклар» жорий мавсумда АПЛ чемпионлиги учун кураша олмагани ҳақида ўз фикрлари билан ўртоқлашди.
Нидерландиялик собиқ футболчиси клуб савиясига тўғри келмайдиган бир қатор футболчилар номини айтиб ўтди.
«Лукаку, Кристенсен, Сарр ва Алонсо - улар АПЛ чемпионлиги учун курашиши керак бўлган «Челси» учун етарли савиядаги футболчилар эмас. Биламан, улар энди ўз позицияларида 1-рақамли танлов бўла олмайдилар, лекин улар ҳали ҳам ўйнашмоқда», - деди Хассельбайнк Sky Sports телеканалида.
Эслатиб ўтамиз, ёзда келган Ромелу Лукаку «Челси» тарихидаги энг қиммат футболчига айланганди.