Олий лига 7-тур ўйинларидан иккитаси бугун бўлиб ўтди. Олмалиқда маҳаллий "Олмалиқ" клуби Наманганнинг "Навбаҳор"ини қабул қилган бўлса, "Жар" стадионида "Пахтакор" "Андижон" футболчиларига қарши майдонга чиқди.
Ҳар иккала ўйинда ҳам майдон эгаларининг минимал ғалабаси кузатилди. Ҳар икки ўйинда дарвозалар биринчи бўлимда ишғол этилди ва ҳар икки ўйинда меҳмонлар ўйинни бир ўйинчи кам бўлиб тугатишди.
"Пахтакор"чилар ушбу ғалабадан сўнг захираларидаги "Нефтчи"га қарши ўйинни сақлаб турган ҳолда, 12 очко билан турнир жадвалининг биринчи поғонасига кўтарилиб олишди. Игорь Шквирин шогирдларининг очкоси эса 10 тага етди ва улар турнир жадвалининг 6-поғонасидан ўрин олиб туришибди.
7-турни якунлаб берувчи 2 та ўйин қолди. Эртага соат 19:00 да Қаршимдаги марказий стадионда "Насаф" "Қизилқум"ни қабул қилса, "Бунёдкор" 8 май куни Бухорога сафар уюштиради.
ОЛИЙ ЛИГА-2012, 7-ТУР
ОЛМАЛИҚ – НАВБАҲОР (Наманган) 1:0 (1:0)
Гол: Востриков (10)
Олмалиқ: Харчик, Йўлдошев, Гоголь, Станоевич, Қурбонов, Исроилов (Зотеев 70), Абдураҳмонов, Шоаҳмедов (Никитенко 60), Эргашев, Востриков, Холмуродов
Навбаҳор: Романенко, Посев (Султонов 25), Тоиров, Белих, Меҳмонов, Бойдадаев, Асқаралиев, Аҳмедов (Султонов 47), Жўраев, Маҳмудов, Фоменко.
Четлатиш: Артурас Фоменко, 20
Ҳакамлар: В.Коваленко (Тошкент), Р.Илёсов (Тошкент), М.Саидқосимов (Тошкент), А.Эргашев (Тошкент).
Назоратчи: В.Штерн (Тошкент).
ПАХТАКОР (Тошкент) – АНДИЖОН 1:0 (1:0)
Гол: Егорь Кримец 25.
Пахтакор: Лобанов, Кримец, Ҳошимов, Суюнов, Шарофетдинов, Климиашвили, Андреев (Азизов, 85), Козак, Каримов (Махсталиев, 75), Қиличев, Абдухолиқов (Т.Ҳакимов, 89).
Андижон: Долимов, Ғуломхўжаев, Ҳаитов, Отахонов, Хўжаев, Абдураҳимов, Шишелов (Жўрабоев, 67), Аъзамов (Тоҳиров, 46), Иброҳимов, Маматказин, Жўраев (Раҳмонов, 64).
Огоҳлантиришлар: Ш.Каримов (3), Ғуломхўжаев (45+1), Суюнов (62), Иброҳимов (62), Абдураҳимов (68)
Четлатиш: Акбар Хўжаев 62.
Ҳакамлар: И.Танташев (Бухоро), М.Шарипов (Бухоро), А.Қўлдошев (Бухоро), И.Гормашев (Тошкент).
Назоратчи: А.Попов (Тошкент).
