«Манчестер Сити» ярим ҳимоячиси Илкай Гюндоган ЕЧЛ 1/2 финалининг «Реал»га қарши дастлабки учрашуви арафасида «қаймоқранглилар» ҳужумчиси Карим Бензема ҳақида ўз фикрлари билан ўртоқлашди.
«Ҳозирда Бензема Левандовски билан бирга дунёнинг энг яхши ҳужумчиси. Унда «Олтин тўп»ни қўлга киритиш учун барча имкониятлар бор”, — дея Гюндоганнинг сўзларини келтиради Sport1.de.
Гюндоганнинг фикрича, авваллари франциялик ҳужумчи жамоада Криштиану Роналду борлиги учун кам эътироф этилган. Лекин ҳозир Бензема ўзига нисбатан бўлган танқидлар нотўғри эканлигини исботламоқда.
Эслатиб ўтамиз, «Манчестер Сити» ва «Реал» ўртасидагиқарама-қаршиликнинг илк ўйини 26 апрель, сешанба куни Англияда бўлиб ўтади.
