«Манчестер Юнайтед» ярим ҳимоячиси Бруно Фернандеш Англия Премьер-лигасининг 34-тури доирасида Лондоннинг «Арсенал» клубига қарши ўйинда пенальтидан унумли фойдалана олмади. Мусобақанинг жорий мавсумида португалиялик икки марта 11 метрлик жарима зарбасини амалга оширди, бироқ бирорта уринишдан ҳам фойдалана олмади.

Англия Премьер-лигасининг 34-туридан ўрин олган учрашувда «Арсенал» ўз майдонида «Манчестер Юнайтед»ни қабул қилди. Учрашув Лондондаги «Эмирейтс» стадионида бўлиб ўтди ва мезбонларнинг 3:1 ҳисобидаги ғалабаси билан якунланди. 57-дақиқада «Манчестер Юнайтед» ярим ҳимоячиси Бруно Фернандеш 11 метрлик зарбани голга айлантира олмади.

«Арсенал» 60 очко билан Премьер-лига турнир жадвалида 4-ўринга кўтарилиб олди. «Манчестер Юнайтед» (54) - 6-ўринда.