«Манчестер Юнайтед» бош мураббийи Ральф Рангник Лондоннинг «Арсенал» жамоасига қарши ўйиндан сўнг интервью берди. Хабарингиз бор, бир неча дақиқа олдин «Манчестер Юнайтед» АПЛ доирасидаги учрашувда «канонирлар»га 1:3 ҳисобида имкониятни бой берди.
«Бугун сешанбага олдинга учрашувга қараганда яхшироқ ўйнадик. Бугунги учрашувда кўпроқ гол уришимиз керак эди.
Биз ёмон старт олдик ва кўплаб имкониятларга эга бўлдик. Тўп бир марта тўсинга ва бир марта устунга тегди. Бизда яхшироқ натижага эришиш учун бундай имкониятлардан фойдаланишимиз керак эди.
Шунингдек, ўз жарима майдончамиз ва унинг ёнида ҳимояланишни уддалай олмадик. Бу бутун мавсум давомида муаммо бўлиб келган. Биз яхшироқ ҳимояланишимиз керак эди. Учинчи гол яққол офсайд эди ва мен ВАР нима учун бунга аралашмаганини тушунмаяпман.
Футболчилар жуда хафа. Агар пенальтини голга айлантирганимизда, бу бутун ўйинни ўзгартирган бўларди, аммо...
Биз яхшироқ ҳимояланишимиз керак. Сўнгги учта ўйинда биз ўртача учтадан гол ўтказиб юбордик», - деди Ральф.