«Вест Хэм» раҳбарияти ярим ҳимоячи Деклан Райсни жамоада сақлаб қолишга ҳаракат қилмоқда, бироқ томонлар келиша олмаяпти. 23 ёшли футболчи янги шартнома таклифини рад этди. Бу ҳақда журналист Фабрицио Романо хабар бермоқда.

Ярим ҳимоячига «Челси» қизиқиш билдирмоқда. Бош мураббий Томас Тухель Райснинг ўйинларини мақтади.

«Мен унинг ўйинларини жуда юқори баҳолайман. У таъсирчан ва жуда яхши йигит. У «Челси» академиясидан чиққан. Менга унинг ўйинлари ёқади», - дейди Тухель.

Деклан Райс жорий мавсумда 43 та ўйинда майдонга тушиб, 5 та гол ва 4 та голли узатмани амалга оширди. Унинг «Вест Хэм» билан шартномаси 2024 йилнинг ёзида якунига етади.