«Челси» бош мураббийи Томас Тухель жамоа ҳимоячиси Антонио Рюдигер мавсум якунланганидан кейин жамоани тарк этишини тасдиқлади.

Шу ҳафта охирида Рюдигер «Челси»нинг ҳафтасига 200 000 фунт стерлинглик шартнома таклифини рад этгани ва энди «Стэмфорд Бридж»ни текинга тарк этмоқчилиги хабар қилинганди.

«Вест Хэм» устидан қозонилган ғалабадан сўнг (1:0) Тухель Антонио билан яқин орада хайрлашаётганини тасдиқлади ва клубга нисбатан қўлланилган санкциялардан афсусда эканлигини билдирди.

«Антонига келсак, ОАВ хабардор. Вазият шундаки, у клубни тарк этмоқчи. У шахсий суҳбат чоғида бу эътиборимни тортди.

Биз - мен ва клуб - қўлимиздан келганини қилдик, бироқ шароит бизни чеклаб қўйди. Бу санкцияларсиз биз ҳеч бўлмаганда курашни давом эттирган бўлардик, аммо қўлларимиз боғланган. Биз хафа эмасмиз. Бу унинг қарори.

У биз учун асосий фигура ва мавсум охиригача шундай бўлиб қолади. Лекин бу ғазабийлаштирмоқда. Биз уни жуда соғинамиз. У кийиниш хонасига жасорат олиб келади. Ҳамма бундан қўрқарди, аммо бу унга халақит бермади. 50-55 ўйинни ажойиб даражада ўтказди. У бу ерда бир ярим йил давомида юқори даражадаги ҳимоячи эди. Биз бошқа ечим топишимиз керак» - деди Тухель Sky Sports нашрига.