«Манчестер Юнайтед» мураббийлар штаби ёзда «Барселона»нинг испаниялик ярим ҳимоячиси Гави билан шартнома имзоламоқчи.
Инсайдер Экрем Конурнинг сўзларига кўра, «қизил иблислар» 17 ёшли испаниялик футболчини шу ёзда Манчестер жамоасини текинга тарк этадиган франциялик Поль Погбага ўринбосар сифатида кўрмоқда. Қайд этиш жоиз, Гави хизматларига «Ливерпуль» ва Франциянинг «ПСЖ» клублари ҳам қизиқиш билдирмоқда.
Гави жорий мавсумда «Барселона» сафида 29 та ўйинда майдонга тушиб, 2 та гол ва 5 та голли узатмани амалга оширди.
