Мадриднинг «Реал» клуби ярим ҳимоячиси Иско «Бетис» билан шартнома борасида келишиб олди, деб хабар беради AS.
Манбага кўра, испаниялик Андалусия клуби билан 2+1 схемаси бўйича шартнома имзолайди. Исконинг маоши мавсумига 10 миллион еврони ташкил қилади. Бироқ якуний пул миқдори «Реал Бетис»нинг келаси мавсумда Чемпионлар лигасига йўлланма олишига боғлиқ бўлади. Қолаверса, ярим ҳимоячи катта миқдорда шартнома имзолаганлик учун бонус олади.
Иско «Реал»да 2013 йилдан буён тўп тепади. Жорий мавсумда 30 ёшли футболчи «қироллик клуби» сафида 15 та ўйин ўтказиб, 2 та гол уришга муваффақ бўлди.
