«Ливерпуль» ҳужумчиси Муҳаммад Салоҳ «Вильярреал» билан Чемпионлар лигаси 1/2 финали илк учрашувидан олдин ўз фикрлари билан ўртоқлашди.

Салоҳ Чемпионлар лигасидаги олдинги ғалабадан кейин ҳис қилган қувончли ҳис-туйғуларини қайта бошдан кечиришни исташини айтди.

«Бу ақл бовар қилмайдиган нарса эди. Автобусда кубок билан шаҳар бўйлаб айланиб юрганимизда олган таассуротларимиз ажойиб эди. Пандемия туфайли Премьер-лига кубоги билан буни амалга оширишнинг иложи бўлмади, лекин мен бу икки турнирда яна ғалаба қозонишни хоҳлайман», - дея Салаҳнинг сўзларини келтиради клуб расмий сайти

Охирги марта «Ливерпуль» Чемпионлар лигасини 2019 йилда қўлга киритган, ўшанда Юрген Клопп шогирдлари финалда «Тоттенхэм»ни 2:0 ҳисобида мағлуб этганди.

«Ливерпуль» – «Вильярреал» учрашуви эртага, 27 апрель куни бўлиб ўтади. Учрашув Тошкент вақти билан соат 00:00да бошланади.