"Ливерпуль" бош мураббийи Юрген Клопп "Вильярреал"га қарши бўлиб ўтадиган Чемпионлар лигаси яримфинал ўйини ҳақида ўз фикрлари билан ўртоқлашди.
“Биз тўғри таҳлил қилдик. Мен Унаи Эмери ва “Вильярреал”ни жуда ҳурмат қиламан, чунки мен “Бавария” ва “Ювентус” ўйинларини кўрдим ва бу ажойиб эди! Унаи жаҳон даражасидаги мураббий ва ақл бовар қилмайдиган ишни бажарди. Бизнинг вазифамиз уларнинг майдондаги ҳаракатини иложи борича қийинлаштиришдир ва биз бу икки ўйинда шуни қилишга ҳаракат қиламиз", деди Клопп.
27 апрель, чоршанба куни жамоалар Чемпионлар лигаси 1/2 финалининг биринчи ўйинида тўқнаш келишади.
