"Манчестер Сити" устози Пеп Гвардиола "Реал" ўйинини эътироф этди. У шундай дейди:
"Бугунги рақиб шундай эдики, уларга яримта имкон берилса ҳам сизни жазолай олади. Шу сабаб биз тўпни кўпроқ ушлаб туриб, имкониятлар яратишга ҳаракат қилдик. Мен футболчиларимдан фақат шуни сўрайман. Олдимизда "Лидс"га қарши баҳс кутиб турибди. Бу ўйин ҳам финалдан кам эмас. Кейин эса ҳал қилувчи ўйин учун Мадридга борамиз. "Реал" билан баҳс ҳужумни яхши кўрадиган жамоалар ўртасидаги жанг бўлади. Буни бугунги ўйин ҳам кўрсатиб берди".
"Шаҳарликлар" айни дамда АПЛ жадвалида 80 очко билан етакчилик қилмоқда.
