Мадриднинг “Реал” клуби ҳужумчиси Карим Бензема Чемпионлар лигаси 1/2 финали биринчи ўйинида “Манчестер Сити”дан учралган мағлубият (3:4) ҳақида фикр билдирди.
"Тан олишимиз керакки, бу ўйинда бизга озгина интилувчанлик ва ишонч етишмади. Мағлубият ҳар қандай ҳолатда ҳам яхши эмас, чунки биз ҳаммамиз Чемпионлар лигасида ғолибликни орзу қиламиз.
Энг муҳими, биз ҳеч қачон қўлимизни туширмаймиз. "Бернабеу"даги мухлисларимизга ҳар қачонгидан ҳам кўпроқ муҳтожмиз. Жавоб учрашувида ғалаба қозониш учун қўлимиздан келган барчасини қиламиз", - дея Бенземанинг сўзларидан иқтибос келтирмоқда УЕФА.
Жавоб ўйини 4 май куни Мадридда бўлиб ўтади. Учрашув Тошкент вақти билан 23:59 да старт олади.
