La Gazzetta dello Sport нашри хабарига кўра, «Ювентус», «Барселона» ва «Реал Мадрид» УЕФА Суперлигасида иштирок этиш ғоясидан воз кечсаларгина, 2023-2024 йилги мавсумда Чемпионлар лигасида қатнашишлари мумкин бўлади.
Бир йил аввал Европанинг 12 та элита клуби томонидан очилган, бироқ 48 соат ичида парчаланиб кетган Суперлигада уч клуб расммй равишда қолишларини билдирган эди.
Ўтган ҳафта Мадриддаги хўжалик суди УЕФАга қарши қарорни бекор қилди, яъни Европа футболининг бошқарув органи энди учта клубни жазолаши мумкин.
Бироқ, манбаларга кўра, УЕФА томонидан ҳозирча ҳеч қандай чора кўрилмайди. 14 июнь куни Мадрид судида янги мажлис бўлиб ўтади.
Европа Иттифоқи Адлия суди 2023 йилгача Суперлиганинг қонунийлиги бўйича ўз ҳукмини чиқармайди.
Бироқ 2023 йилда УЕФА Европа футболининг уч гигантига 15 миллион евро миқдорида жарима солиш ҳуқуқига эга бўлиши мумкин.
Агар клублар федерация қарорига рози бўлмаса, бу уларни еврокубокларда иштирок этиш ҳуқуқидан маҳрум қилиши мумкин.
