Расмий ҳуқуқи Лондоннинг «Челси» клубига тегишли бўлган ярим ҳимоячи Тьемуа Бакайокони «Милан» сотиб олмоқчи эмас.
Бироқ журналист Низар Кинселанинг сўзларига кўра, «россонерилар» ва «аристократлар» ўртасидаги шартномада маълум миқдордаги ўйинлардан сўнг фаоллаштириладиган мажбурий сотиб олиш банди киритилган.
Милан раҳбарияти Бакайокони тўлиқ сотиб олиш мажбуриятидан ўзини ҳимоя қилиш учун бош мураббий Стефано Пиолига ярим ҳимоячини майдонга қўймаслик ҳақида кўрсатма берди.
Франциялик футболчи охирги марта январь ойида кўриниш берган эди.
