«Челси» бош мураббийи Томас Тухелнинг фикрича, жамоа ҳужумида муҳим роль ўйнайдиган ёш футболчилар ҳали Лондонда ўз имкониятларини тўлиқ очиб беришмаган.
«Манчестер Юнайтед»га қарши баҳсда «Челси» футболчилари рақиблари дарвозасига 21та зарба йўллаган бўлсада, фақат дуранг (1:1) билан кифояланишга мажбур бўлди.
“Хаверц формага қайтиши керак. Аммо у ҳам ҳужумдаги бошқа йигитлар каби ҳали ёш, мен ҳеч кимга бармоқ билан ишора қилмоқчи эмасман.
Вернер ва Хаверц мослашишлари керак. Уларнинг спорт формаси биз учун тинимсиз бўлган оғир жадвалга мослашиш масаласидир.
Мейсон Маунт ҳали ёш, Тимо Вернер ва Кай Хаверцлар ҳам. Улар тўғри муносабат кўрсатгани учун муваффақият қозонишади”, - деди Тухель.
