"Барселона" президенти Жоан Лапорта ярим ҳимоячи Гави билан шартнома узайтирилиши билан боғлиқ вазиятга изоҳ берди.
“Тез орада Гави ҳақида хушхабар бўлишига умид қиламиз, музокаралар давом этмоқда. Ҳамма нарсанинг ўз вақти бор”, — деди Лапорта.
Футболчининг амалдаги шартномаси 2023 йилнинг ёзида якунига этади. Шартнома 2026 йилга қадар узайтирилиши ва 1 миллиард евро товон пули белгиланиши кўзда тутилган.
17 ёшли ярим ҳимоячи бу йил асосий жамоага йўл олди ва Каталония клубининг асосий ўйинчиларидан бирига айланди.
Жорий мавсумда футболчи Ла Лигада 29 та ўйин ўтказиб, 2 та гол урди ва 5 та голли узатмани амалга оширди.
