"Barselona" prezidenti Joan Laporta yarim himoyachi Gavi bilan shartnoma uzaytirilishi bilan bog‘liq vaziyatga izoh berdi.
“Tez orada Gavi haqida xushxabar bo‘lishiga umid qilamiz, muzokaralar davom etmoqda. Hamma narsaning o‘z vaqti bor”, — dedi Laporta.
Futbolchining amaldagi shartnomasi 2023 yilning yozida yakuniga etadi. Shartnoma 2026 yilga qadar uzaytirilishi va 1 milliard yevro tovon puli belgilanishi ko‘zda tutilgan.
17 yoshli yarim himoyachi bu yil asosiy jamoaga yo‘l oldi va Kataloniya klubining asosiy o‘yinchilaridan biriga aylandi.
Joriy mavsumda futbolchi La Ligada 29 ta o‘yin o‘tkazib, 2 ta gol urdi va 5 ta golli uzatmani amalga oshirdi.
