"Манчестер Сити" хўжайини шайх Мансур 13 май куни Англия чемпионатининг сўнгги турида "Куинз Парк Рейнжерс"га қарши бўлиб ўтадиган ўйинни ҳар доимгидай телевизор орқали кузатади.
Эслатиб ўтамиз, "Сити" Англия чемпионлигини қўлга киритиши учун ажойиб имкониятга эга бўлиб турибди. "Шаҳарликлар" ва "МЮ" бир хил очкога эга бўлиб туришибди, аммо Роберто Манчини шогирдларининг тўплар нисбати эвазига устунликлари бор. Иккала жамоанинг ҳам ғалаба қозонганлари тақдирда - "МЮ" тўққиз тўп фарқи билан ютиши керак бўлади.
Шайх Мансур 2008 йили клубни сотиб олгандан буён фақат бир марта "Иттиҳод" стадионига ташриф буюрган, холос.
