Германиялик собиқ футболчи Лотар Маттеус баҳсли вазиятларда ҳакамларга қандай ёрдам беришни билади.

Унинг фикрича, ВАР билан боғлиқ баъзи фикрларни таҳлил қилиш учун собиқ футболчиларни жалб қилиш керак.

Яъни, улар тўғридан-тўғри ВАР хонасида бўлишлари ва маълум бир ўйин вақтида ҳал қилиб бўлмайдиган вазиятга дуч келган ҳакамларга қандайдир маслаҳатлар бериши мумкин.

"Бизга бу тажриба керак, ундан фойдаланиш керак. Аммо буни жорий мавсумда амалга ошириш даргумон. Кейинги мавсумда эса буни амалга оширса бўлади. Бунинг учун ёзда бу ғоя устида биргаликда ишлашимиз керак. Шундан кейингина бу мумкин бўлади", - деди Маттеус Sky Sports нашрига берган интервьюсида.