«Манчестер Юнайтед» ҳужумчиси Криштиану Роналду «Реал»га қайтиши мумкин, деб хабар беради Mirror.
Манбанинг хабарига кўра, Роналдунинг қайтишига «Реал» клубининг ўзи қизиқиш билдирмоқда. Олдинроқ португалиялик ҳам Мадрид клубига қайтишга қарши эмаслиги ҳақида хабар берилганди.
Роналду 2021 йил августидан бери «Манчестер Юнайтед» сафини ҳимоя қилиб келмоқда. Унинг клуб билан шартномаси 2023 йилгача мўлжалланган. Шунингдек, унинг шартномасида яна бир мавсумга узайтириш имконияти бор.
Португалиялик футболчи жорий мавсумда АПЛнинг 28та ўйинида майдонга тушиб, 17та гол урди ва 3та голга ассистентлик қилди.
Роналду 2009 йилдан 2018 йилгача «Реал»да ўйнаган. У «қаймоқранглилар» билан 15 та совринни қўлга киритди. Шунингдек, «қироллик клуби» таркибида португалиялик тўртта «Олтин тўп»ни қўлга киритишди.
