«Арсенал» бош мураббийи Микель Артета Лондон жамоаси ўз таркибини кучайтириш учун «Ливерпуль» каби юлдузларни сотиб олишга қурби етмаслигини айтди.
«Ливерпул» Алиссон Беккер ва Виржил ван Дейкни қўлга киритгандан сўнг ўз даражасини бутунлай ўзгартиргани ҳақидаги саволга Артета шундай деди: «Менимча, биз бир хил формат ва қийматдаги ўйинчиларни сотиб оладиган ҳолатда эмасмиз, шунинг учун биз бошқа йўлларни излашимиз керак.
Бу ёзда кимни сотиб олишимиз кўп омилларга боғлиқ бўлади: бир қанча ўйинчиларимиз ижарадан қайтди, улар олдидаги мажбуриятларимиз, молиявий аҳволимиз, биз ўйинчиларни сотиб олиш ёки сотишни режалаштиришимиз керак. Саволлар кўп, чунки бу футбол», - дея фикр билдиради Артета.
Маълумот ўрнида, Микель Артета 2019 йилнинг 22 декабридан бери «Арсенал»ни бошқариб келмоқда.
