Кеча Ўзбекистон бокс федерацияси раҳбарияти Туркиядаги жаҳон чемпионатида иштирок этадиган Ўзбекистон аёллар терма жамоаси аъзолари билан учрашди. Ушбу учрашув давомида терма жамоамизнинг тажрибали аъзоси, Олимпия ўйинлари ва жаҳон чемпионати иштирокчиси Турсуной Раҳимова Ўзбекистон аёллар терма жамоаси сардори этиб сайланди. Ушбу учрашувдан сўнг боксчимиз ўз фикрлари билан ўртоқлашди.
"Бўлажак жаҳон чемпионатида 10 та вазн тоифасида иштирок этамиз. Аввал ҳам айтиб ўтганимиздек, жисмоний ва руҳий тайёргарликка катта эътибор қаратилган. ЖЧга тайёргарлик кўришимиз учун марча шароитлар яратиб берилди. Бундан мамнунмиз.
Ҳозирда ҳолатимиз яхши деб ҳисоблайман. Кеча ўтказилган йиғилишда Ўзбекистон аёллар терма жамоаси сардори этиб сайландим. Бу менга қўшимча масъулият юклайди. Терма жамоа сардори сифатида шуни айта оламанки, Худо хоҳласа жаҳон чемпионатида ўзимизга билдирилган ишончни оқлаб, Ўзбекистонга тарихий натижа билан қайтамиз", - деди Турсуной Раҳимова. (https://olamsport.com/upload/storage/217095_original.jpg)
