"Челси" ярим ҳимоячиси Кристиан Пулишичнинг отаси ўғлига етарлича ўйин амалиёти берилмаганлиги ҳақида гапирди.
Ижтимоий тармоқда футболчининг отаси ярим ҳимоячи жамоани тарк этиши мумкинлигига шама қилган, бироқ кейинроқ бу постни ўчириб ташлаган.
“Ачинарлиси, у клубни, жамоадошларини ва Лондонни яхши кўради... У профессионал бўлиш учун бутун борлиғини бағишлаган. Ўғлимнинг бу ердаги вақти тугамоқда”, — дейилади ўчирилган постда.
Пулишич жорий мавсумда “Челси” сафида атиги 10 та ўйинда майдонга тушди. Унинг клуб билан шартномаси 2024 йилнинг ёзида якунига етади.
