Олий лига-2012 нинг 8-турини очиб берган ўйинда Муборакдаги Б.Вафоев номли стадионда маҳаллий "Машъал" миллий чемпионатимиз байроқдори "Пахтакор"ни қабул қилди ва йирик ҳисобда мағлубиятга учради.
32-дақиқада "шерлар"нинг грузиялик Легионери Ираклий Климиашвили Темурхўжа Абдухолиқовнинг заргарона пасини қабул қилиб олди ва 40 метрлар чамаси масофадан ерлатиб кучли зарба берди ва учрашувдаги ҳисобни очди – 1:0.
Танаффусгача Илҳом Суюнов майдонда ўзининг чап қаноти бўйлаб рейд ўтказиб, мезбонлар жарима майдонига қадар бостириб кирди ва ҳужумни мантиқий ниҳоясига етказди — 2:0.
Иккинчи бўлим бошланганда "шерлар" яна бир самарали ҳужум уюштиришди: тўп рақиб жарима майдони ичида қулай позиция эгаллаган Абдухолиқов томон ҳаволатилди, Темурхўжа Илья Фомичёв билан "иккичи қават" учун курашда ғолиб чиқиб, тўпни эгаллади ва кучли зарб билан дарвозанинг узоқ бурчагини аниқ нишонга олди – 3:0.
"Пахтакор" сафар да муҳим уч очкога эга бўлди ва очколари сонини 15 тага етказиб, битта ўйинни захираси билан турнир жадвалида биринчи ўринга кўтарилиб олди.
ОЛИЙ ЛИГА-2012. 8-ТУР
"МАШЪАЛ" - "ПАХТАКОР" 0:3
Голлар: Ираклий Климиашвили (32), Илҳом Суюнов (42), Темурхўжа Абдухолиқов (51)
