"Челси" ҳимоячиси Сезар Аспиликуэта ёзги трансфер ойнасида "Барселона"га ўтиши кутилмоқда. Каталонияликлар испаниялик футболчининг трансфери амалга ошишига ишончи комил, дея хабар берди The Telegraph.
Аввалроқ, 32 ёшли ҳимоячи ва "Челси" ўртасидаги ёзда тугайдиган келишувда ҳамкорликни яна бир мавсумга узайтириш варианти борлиги хабар қилинганди. У маълум миқдордаги ўйинлар ўйнаганида фаоллашади.
Қайд этиш жоиз, Аспиликуэта Премьер-лига жорий мавумида 18 учрашувда иккита голли узатмани амалга оширди.