"Рома" бош мураббийи Луис Энрике клубни тарк этишини маълум қилди.
"Мен "Рома"дан кетаман. Мен футболчиларимга ўз ғояларимни сингдира олмай катта мағлубиятга учрадим. Клубни тарк этяпман, чунки унга боримни бера олмадим. Бир қатор қарорлар қабул қилдим, бир қатор хатолар қилдим, энди афсусдаман", - дея Энрикенинг сўзларини келтиради La Gazzetta dello Sport.
Италиянинг бошқа бир нашри Football Italia эса мутахассиснинг бу қарори норасмий тарзда айтилганини ёзмоқда. Бу бироз кейинроқ расман тасдиқланиши мумкин.
"Рома" Италия чемпионатининг ушбу мавсумида 53 очко тўплаган ва еттинчи ўриндан юқорилай олмайди. Шу сабабли келгуси мавсумда римликлар еврокубокларда иштирок этолмайдилар.
