«Манчестер Юнайтед» ва «Арсенал» Дортмунднинг «Боруссия» клуби ҳимоячиси Мануэль Аканжи учун кураш олиб боради. Футболчи ёзги трансфер ойнасида Дортмундни тарк этиши мумкин.
«Боруссия» клуби яқинда «Фрайбург»дан марказий ҳимоячи Нико Шлоттербекни 20 миллион евро эвазига сотиб олди. Шунингдек, ёзда Дортмунд клубига «Бавария» ҳимоячиси Никлас Зюле ҳам ўтади. Шу муносабат билан шартномаси 2023 йилгача мўлжалланган Аканжи трансфер қилиниши мумкин. Sport Bild хабарига кўра, футболчига «Арсенал» ва «Манчестер Юнайтед» қизиқиш билдирмоқда.
Жорий мавсумда футболчи Бундеслигада 24 та ўйин ўтказиб, 1 та гол урган.
