Футболимизнинг ёрқин афсонаси Максим Шацкихни сизларга ортиқча таърифлашнинг ҳожати бўлмаса керак. Ўзбек футболини ҳам кузатиб келаётган мутахассис "Андижон" клубига ҳам бефарқ эмас.

Кеча клуб расмий канали орқали хабар берганимиздек, футболчи матбуот хизматига “Андижон” хусусида ўзининг шахсий муносабатини айтди. Жумладан, шундай деди:

"Ишқибозларга ҳар қандай ҳолатда ҳам ўз жамоасини қўллаб-қувватлашларини тилайман. Ахир футбол айнан мухлислар учун ўйналади!

Рости, “Андижон” клубининг тезроқ Суперлигага қайтишини истайман. Нега деганда, клуб юқори элитада кўп бўлган. Шу боис жамоанинг у ерда қатнашиши - бу минтақа учун ҳам жуда муҳим”.

“Андижон” матбуот хизмати.