"Кристал Пэлас" ёзда ярим ҳимоячи Майкл Олисени қайси нарх эвазига қўйиб юбориши мумкинлиги маълум бўлди. The Times газетаси журналисти Гарри Жейкобснинг фикрича, футболчининг трансфери потенциал харидорларга 40 миллион еврога тушади. Гап шундаки, бу сумма футболчининг шартномасида товон пули сифатида кўрсатилган.
Қайд этилишича, Олисенинг ушбу ёзда трансфери учун асосий давогарлардан бири Лондоннинг “Арсенал” клуби бўлади. "Тўпчилар" устози Микель Артета ярим ҳимоячининг иқтидорини юқори баҳолайди.
20 ёшли ярим ҳимоячи жорий мавсумда лигада иккита гол ва бешта голли узатмани амалга оширди.